Pousawar:
Mésié Dam la Sosiété anparmi byinvni !
Pé inport ousa zot i sort, an lèr La plèn ou l’APECA, dan fon sindni ou byin Sinlwi,
Alon kas lo kan koté Troublan ! Kiswa pou fé la piont, kiswa pou marsh ek in pat fol, ou pou joué foutbal, allon nout tout ansamb rant dan ron gayar lo pié Tamarin Lé o.
Pou désertin, Troublan i tonb kom in katédral, ou sinon lo royom Tamarin Lé o, na dot néna ryink in lanvi sé joué foutbal ek zot kamarad, episa rakont zistwar i fé pèr, ou i fé rir la boush.
Sat lé sur, zot boush va gob lo moush dovan lo bebet pié tamarin lé o, ke lé pli o ankor lo ban batiman l’APECA par anba somin.
François Coupou, Elliard Laude, Thomas Soundarom, Edouard Savigny, Joseph Landon, Rico Carpaye, zot té jèn, zot lavé pa pèr ryin ! Nou oubli pa zot !
Alon alé Troublan ek in gayar lantouraz, petèt, riskap, siplétadyé, zot va trouv ti somin la valab !
Chiens interdits.
Création: Stéphane THOMAS
Interprète: Benjamin CLEMENT
Départ de la balade devant le sentier des trous blancs, à l’aire d’accueil du piton sec (Plaine des Cafres).