Té lot zour mwin la lans in kriké dan la foré, Zwazo Martin-Litèr-Kine-Tout-Kalité-Bébèt vitman la tak mon bék, li la di:
– Alé marsé ! Rèt in kou ek ton bann krak zis bon pou spektak! Fé in konvwa kom ton bann zansèt! Pou lo bann réparasion lo 12 Oktob, pou la zourné internasional lo bann réparasion. Mont anlèr Dimitile, di bonzour Dimitile, Laverdir ek Sarlav, Anchaing, Héva, Phaonce, Bale, Matouté, Simangavole, Fanor, Diampare, Sarcenate, Sémitave, Pyram, Mafate, Cimendef, Marianne, Fatie, Cenkouto…
Pran in tan pou mazine tout sat lo nom la pa resté dan la mémwar, mé léritaz maron lé bien la.
Aprésa organiz lo mouvman internasional pou lo bann réparasion, isi la Rénion.
Akoz lo 12 oktob ?
12 Oktob 1492 : Kristof Kolon la poz son dé ti pat koson si lo « nouvo monn ». Pliske 6 sièk pli tar, lo kolon lé touzour persi kom in moun li dékouv lo monn, li défrish la tèr, dan son mision siviliza-tris. E si astèr nou té défrish lo momon kolon ek tout son léritaz? Pou pran nout responsabilité individièl, kolektiv.
Nou fine rotrouv la mémwar, aster nou sa dan konkré, pou réparé.
Structures partenaires: Arkadia, SOMIN LEXIL, Zanfan Réyoné, Le Capitaine Dimitile
Classement des familles propriétaires esclavagistes indemnisées à l’abolition.