Parlfèt

E si zot té kap war tout lo gayarsité i kasiét dann ti santié nout péi? La rényion nana in patrimwane kiltirel sitantelman ris: ek lo bann balade kréativ zot sa démay dann santié maron, zot sa giny konét dé trwa landrwa danzeré la rényion é tousala angaroté dann la poézi zistwar nout péi.

Sa pa in vizit gidé ? non va! La pa non pli in spéktak, mé na di plito, lé dé an minm tan. Lo bann zartist sa fé konèt azot in bonpé ek in takon zafér si lo patrimwane nout péi mé osi si son lidantité: son zistwar, son natir , son mizik, son bann lézande épisa son lang kozé réyoné. Tousala lé rakonté, zoué, aranzé, dansé, santé…si lo bann santié pou partaz sanm zot nout zarlor.

Pou sa nou la fé in bonpé kolektaj su lo ban santié, ek lo zistwar son zabitan, aprèsa lo ban scénaristes la sokouy tousala dan zot koko d’tet, pou fane in zoli balad spektak.

Nou sé le promyé lantropriz la rényon i organiz ban balad-spektak. Ban balad-la, ke lé pa ordinèr, va rouv zot zié si le gayar nout péi i kashièt

Tout sat nou propoz i pé èt fé par tout domoun. Lé pa dir pou monté, pou désan, é la poin pou marsh lontan, mèm si i pran le tan…pou aprésié.

VWAR NOUT L'AJINDA